Ukrayina arbiyleri RF Mudafaa nazirliginiñ Baş raketa-artilleriya idaresiniñ 67-nci arsenalı içün darbe endirdi, dep bildirdi noyabrniñ 19-nda saba Ukrayina milliy telükesizlik ve mudafaa şurası yanındaki dezinformatsiyağa qarşılıq kösterüv merkeziniñ reberi Andriy Kovalenko.
"Orada artileriya silâsı, şu cümleden KNDR silâsı, idare etilgen avia bombaları, zenit raketaları ve toplu ateş raketa sistemalarına silâ bar edi", — dep aytıla haberde.
Kovalenko, bundan evel arsenalğa dronlar ücüm etkenini qayd ete.
Rusiye Federatsiyasınıñ Brânsk vilâyetiniñ gubernatorı Aleksandr Bogomaz vilâyetinde artileriya arsenalı yoq etilgeni aqqında haber etmey, amma vilâyetniñ dronlardan ücüm etilgenini tasdıqlay. Noyabrniñ 19-nda saba onıñ telegram kanalında uçaqlarnıñ yoq etilüvi aqqında bir qaç haber bar edi.
Bu yılnıñ baarinden başlap, Rusiyeniñ regionlarına uçaqsuz uçucılarnıñ ücümleri aman-aman er kün yüz bere. Moskva bu ücümlerde ukrain arbiylerini qabaatlay, Kıyiv ücümlerni izaatlamay, amma Ukrayina mahsus hızmetleriniñ menbaları, adet üzre, söz SBU ya da arbiy istihbaratnıñ operatsiyaları aqqında kete, dep qayd eteler.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
