"Cesür Ukrayina halqı" ve Ukrayina prezidenti Volodımır Zelenskıy Avropa Birliginiñ insan aqları saasında eñ yüksek mukâfatı olğan Andrey Saharov adına "Fikir serbestligi" mukâfatına namzet etip kösterilgen.
Mukâfat içün namzet etip kösterilgenlerniñ cedveli çarşenbe künü Avropa Parlamenti tarafından ilân etildi. Olar farktsiyalar ve mebuslar guppaları tarafından namzet etip kösterilgen. Prezident Volodımır Zelenskıy ve Ukrayina halqı aynı zamanda biraz farqlı ifadeler ile bir qaç namzetlik alğan. Mebuslar ukrayinlerniñ Rusiyeniñ tecavuzı ögünde cesaretini ve Avropa degerliklerine sadıqlığını qayd eteler.
Diger namzetler arasında Büyük Britaniyanıñ apishanesinde tutulğan WikiLeaks tesisçisi Julian Assanj, Kolumbiya aqiqat komissiyası, braziliyalı faal Sonâ Guajajara ve İordananıñ ğarbiy sailinden öldürilgen Al Jazeera telekanalınıñ jurnalisti Şirin Abu Akle.
Ğalip oktâbrniñ 19-nda ilân etilecek, mukâfatlav tedbirisi ise dekabrniñ 14-nde olacaq.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
