Ukrayina reberligi Rusiye esirliginden 22 arbiy azat etilgenini bildirdi. Bunıñ aqqında Ukrayina prezidenti ofisiniñ reberi Andriy Yermak haber etti.
Onıñ malümatına köre, Ukrayinağa qaytqan arbiyler arasında farqlı yönelişlerdeki uruşlarda iştirak etken eki zabit, adiy askerler ve serjantlar. Azat etilgenler arasında yaralılar bar.
Ukrayin arbiyleriniñ angi şart alıtında azat etilgeni haber etilmey. Rusiye Mudafaa nazirligi esir deñişmesini izaatlamadı.
Bundan evel Ukrayina ve Rusiye arasında esir deñişmesi iyülniñ 6-nda olıp keçken edi. O zaman deñişüv "45 45-ke" formulasında olıp keçken edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
