Link açıqlığı

Saatnıñ esas haberi

Ukrayina esir deñişüvi çerçivesinde 41 ukrayinni azat etti – Vereşçuk


İrına Vereşçuk
İrına Vereşçuk

Ukrayina ve Rusiye arasında nevbetteki esir deñişüvi çerçivesinde 41 ukrayin azat etildi. Bunıñ aqqında mayısnıñ 6-nda Ukrayinanıñ vaqtınca işğal etilgen topraqlarınıñ reintegratsiya meseleleri naziri İrına Vereşçuk bildirdi.

"Daa bir esir deñişüvi olıp keçti. 41 ukrayin azat etildi, olarnıñ arasında 11 qadın. Evge 28 arbiy ve 13 silâsız adam qayta", - dep yazdı o Telegramda.

Vereşçuknıñ bildirgenine köre, azat etilgenler arasında Ukrayin Ortodok kilsesiniñ papazı bar.

Soñki esir deñişüv aprelniñ soñunda olıp keçken edi. O zaman 14 ukrayin azat etilgen edi.

Aprelniñ ortasında Vereşçuk, Rusiye 1700 arbiy ve silâsız ukrayinni esir etkenini bildirgen edi.

Ukrayinağa qarşı Rusiye silâlı ücümi fevralniñ 24-nden sabadan berli devam ete. Rusiye ordusı arbiy ve vatandaş infrastrukturasınıñ esas obyektlerine avadan darbe endire, uçaq alanları, arbiy bölük, cermay bazaları, yaqıt stantsiyaları, kilse, mektep ve hastahanelerni viran ete.

Aprelniñ başında Moskva Ukrayina şimalinde faal olğanını toqtattı, dep bildirdi. Tezden Ukrayina akimiyeti Kıyiv, Çerniğiv ve Sumı vilâyetinde Rusiye arbiyleri qalmadı, dep ayttı.

Rusiye ordusı çekilgen soñ azat etilgen köy ve şeerlerde kütleviy öldürüv adiseleri aqqında belli oldı. Bazı ğarbiy liderler Rusiyeni cenk cinayetlerinde qabaatladı. Rusiye akimiyeti arbiyleriniñ öldürüvlerge alâqası bar olğanını inkâr etip, olarnı «uyduruv» dep adlandıra.

Rusiye Ukrayinağa qarşı basqıncılıq cenk alıp barğanını inkâr ete ve bunı maqsadı «askeriysizleştirüv ve denatsifikatsiya» olğan «mahsus operatsiya» dep adlandıra.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net . Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

XS
SM
MD
LG