Ukrayina pilotsız uçaqları eki biñ kilometr mesafede yerleşken nişanlarğa ücüm ete bile, dep bildirdi Ukrayina Mudafaa nazirliginiñ Baş istihbarat idaresiniñ vekili Andriy Yusov "Novosti.LIVE" intervyüsında.
"Bu sır degil, 2 biñ kilometrge qadar ukrayin uzaq mesafeli pilotsız uçaqları endi faraziy olaraq çalışa bile", — dep ayttı istihbarat vekili.
Yusov şunı da qoştı ki, "biz bunı tasdıqlamaymız ve red etmeymiz, resmiy beyanatlar yoq, amma çoqusı allarda Rusiyede bir şey patlay.
"Anda patlavlar öz-öâünden olmağanını ayta bilem", — dep qayd etti Yusov/
Ukrayina mudafaa nazirliginiñ vekili qayd etti ki, "intsidentler yalıñız arbiy-sanayı kompleksi, istilâcı devletniñ işğalci ordusı ile bağlı obyektlerde, ya da duşman quvetleriniñ maliye, ya da arbiy, logistik ve mudafaa teminlevi ile oğraşqan obyektlerde ola".
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
