Ukrayina TİN yolbaşçısı Dmıtro Keleba keçende ve bugün saba Harkiv vilâyetine endirilgen darbelerni izaatladı.
Söz Groza köyüne qarşı endirilgen darbe aqqındadır. Onıñ neticesinde 52 kişi elâk oldı. Ve daa bir darbe bugün saba endirildi, neticsinde bir qadın ve bala öldi.
"Eki cinayet de Ukrayinağa kösterilgen global destekniñ devam ettirilmesi ve arttırılması kerek olğanına delâlet ete. Ukrayina desteginiñ zayıflaması yañı arbiy cinayetlerge sebep olacaq", - dep bildirdi Kuleba.
Ukrayina akimiyetiniñ malümatına köre, oktâbrniñ 5-nde saat 13:25 Rusiye arbiyleri Harkiv vilâyetindeki Kupânsk rayonınıñ Groza köyüni ateşke tutqanlar. Darbe köydeki qavehane-tükânğa endirilgen.
Oktâbrniñ 6-nda saba saatlarında yüz bergen Rusiye ücümi neticesinde bir bala bitası ile öldi, dep bildirdi şeerniñ yolbaşçısı İgor Terehov.
Rusiye arbiyleri raketa, uçucısızları, topları yetken Ukrayina şeerlerine muntazam sürette ateş aça. Delillerge baqmadan, Rusiye vatandaş ve arbiylerge qarşı cenk cinayetleri alâqası olğanını inkâr ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
