Kıyiv daa bir esir deñişmesi çerçivesinde 116 arbiyini azat etip oldı. Bunı Ukrayina prezidenti ofisiniñ yolbaşçısı Andriy Yermak haber etti.
"Daa bir büyük esir deñişüvi. 116 adamımıznı azat etip oldıq. Bular Mariupol imayecileri, Herson partizanları, Bahmut cebe parçasındaki mergin nişancılar ve diger qaramanlar. 87 Ukrayina Silâlı quvetleriniñ arbiyi, elardan ekisi Mahsus ameliyat quvetinden. 8 territorial mudafaasından, 7 Milliy gvardiyadan, 6 Milliy polisten, 5 Devlet sıñır hızmetinden, 2 İç işler nazirliginden ve 1 Devlet fevqulâde vaziyet hızmetinden. Olardan 2 zabit ve 114 adiy asker ve çavuş", - dep qayd etti o.
Yermaknıñ sözlerine köre, ukrayin tarafı elâk olğan çetel göñüllilerniñ cesetlerini qaytarıp olğan.
Berilgen malümatqa köre 2022 senesinde ukrayin tarafı esirlikten 1596 arbiyni azat etken.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
