Ştabda, cesetlerniñ qaytarılmasına yardım etkeni içün, Halqara Qızıl Haç Komitetine minnetdarlıq bildirdiler.
''Ukrayina Silâlı quvetleri qaytarılğan cesetlerniñ uquq qoruyıcı organlarınıñ vekilleri ve mahkeme-tibbiy ekspertlerine elâk olğanlarnıñ şahıslarını belgilemek içün berilmesi içün mahsus devlet müessiselerine ketirilmesini temin etecek'', - dep qoştılar Koordinatsion ştabında.
Ukrayinada 2023 senesi mayıs ayından berli ğayıp olğan şahıslarnıñ yekâne reyestri çalışıp başladı. Oña arbiy hızmetçilerniñ bütün malümatları kirsetile.
Ukrayina tarafından elâk olğan askerlerniñ tam sayısı aydınlatılmay. 2022 senesi avgust ayında Ukrayina Silâlı quvetleriniñ baş komandanı Valeriy Zalujnıy, Rusiye ile tolu miqyaslı cenk devamında 9 biñge yaqın ukrayin arbiyi elâk oldı, dep bildirdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
