Ukrayina Rusiye Federatsiyasınıñ büyük istilâsı başlanğandan berli elâk olğan 25 ukrayin arbiyiniñ cesedini keri qaytardı. Bunı Ukrayina reintegratsiya nazirligi haber etti.
"Cesetlerniñ qaytarılması esnası Jeneva şartnamesiniñ qaidelerine uyğun olaraq lmürge keçirile", - dep qayd eteler nazirlikte.
Diger tafsilâtlar haber etilmey.
İyünniñ 1-nden Ukrayina İç işlep nazirligi esir etilgen, bellisiz ğayıp olğan ya da elâk olğan ukrayin imayecileriniñ tuvğanlarından muracaatlar qabut etip başladı.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kıyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
