Ombudsmen qayd etti ki, ölülerniñ cenk esirleri olaraq resmiy statusı bar edi ve olarnı Halqara Qızıl Haç komiteti teşkergen edi. Patlavdan soñ Ukrayina BMT ve Halqara Qızıl Haç komitetine muracaat etken edi ve olar "terror eylemini araştırmağa azır olğanlarını bildirdgen ediler".
"BMT missiyası cezahanedeki patlav aqqında ukrayin materiallarınen tanış olmağa asla razı olmadı. Men onıñ iştirakçilerinen bir qaç kere körüşmege tırıştım ve Ukrayinada olğan materiallarnı köçürmege azır olğanımnı bildirdim", — dep ayttı o.
Lubinets qoşa ki, o, Rusiyeniñ insan aqları vekâletlisi Tatyana Moskalkovağa Ölenivkadaki cezahaneni beraberlikte ziyaret etmekni teklif etti, amma teklif red etildi.
"2023 senesi iyülniñ 25-nde BMT Olenivkadaki terror eylemi "HIMARS raketasınıñ sebebi olmağanı" aqqında beyanat çıqardı. Bu Rusiye Federatsiyasınıñ beyanatlarını red ete. Ukrayina BMT missiyası öz işini tezce ğayrıdan başlamasını ya da yañı missiya yaratmasını talap ete", — dedi Lubinets.
O, BMT ve HQHK-ni öz mandatını yerine ketirmege ve Olenivkada mabüslerniñ kütleviy öldürilmesini teşkermege çağırdı.
2022 senesi iyülniñ 29-da Olenivkada onlarnen ukrayin askeriniñ ölümi aqqında belli oldı. Rusiye tarafından desteklengen boyevikler ve Rusiyeniñ Mudafaa nazirligi bunıñ sebebi ukrayin küçleri tarafından ateşlemeler olğanını bildirdiler.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
