Ukrayinanıñ Rusiye ve Belarus ile sıñırı boyunca uzanğan yolaq eki kilometrge kenişletilecek ve minalanacaq. Ukrayina Devlet sıñır hazmetiniñ haber etkeni kibi, bu deñişiklik qanunda yer almaqta.
Fevralniñ 24-nde Yuqarı Rada tarafından qabul etilgen vesiqanıñ adı "Devlet sıñırını qorumağa yönetilgen bazı qanun aktlarına deñişiklik kirsetilmesi aqqında".
"Bu deyerlik minalanğan bir bölge olacaq", - dep yazıla bildirmede.
Deñişiklikler ayrıca Ukrayina Silâlı quvetleri, Milliy gvardiya ve polisniñ cenk vaziyeti şaraitinde devlet sıñırnı qoruma vazifeleriniñ yerine ketirilmesine celp etilüv meselelerini tertiplemege imkân berdi.
Rusiye Ukrayinağa qarşı büyük cenkni başlamğan soñ Aleksandr Lukaşenko Belarusniñ arbiy infraterkibini tamamınen Rusiyeniñ maiyetine berdi.
Rusiye 2022 senesi fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
