«Avgustnıñ 13-nde duşmannıñ raketa atışları neticesinde Herson vilâyetiniñ Şirokaya Balka köyünde bir aylıq bala ve 11 yaşında oğlançıq elâk olğanlar», – dep bildirdi Baş prokurornıñ ofisi.
Prokuratura qayd etkenine köre, kösterilgen raqamlar tam degil, uruş areketleri devam etken yerlerde, işğal etilgen ve azat etilgen yerlerde malümat alına.
İyulniñ soñunda BM insan aqları yuqarı komissarınıñ idaresi Rusiyeniñ büyük istilâsı neticesinde 9369 insannıñ ölümini ve 16646 insannıñ yaralanğanını tasdıqladı.
BM qayd etkenine köre, kerçek sayı daa yüksek, çünki uruşlar devam etken bazı yerlerden malümat keç kele ve bir çoq haber tasdıqlanmasını bekley.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
