Donetsk vilâyetindeki Bahmutnıñ vaziyeti «qıyın, amma kontrol altında» qala, Rusiye arbiyleri «Suriyeniñ» yaqılğan topraq taktikasına keçti, dep bildirdi Ukrayına Silâlı quvetleriniñ Şarqiy ordu gruppirovkasınıñ komandanı general-polkovnik Aleksandr Sırskiy.
Onıñ qayd etkenine köre, Rusiye ordusı Bahmutta «aviatsiya ve top ateşinen bina ve mevzilerni yoq ete».
«Cesür askerlerimiz «vagnercilerni» arıqlattı, şunıñ içün duşman Bahmut uruşlarına mahsus bölüklerni ve desant-ücüm bölüklerini celp etmege mecbur», – dep bildirdi Sırskiy.
O, aprelniñ 6-nda cebeniñ Bahmut yönelişini ziyaret etken soñ «uruşlar eki taraftan da serttir», dep qayd etti.
Aprelniñ 5-nde Ukrayına prezidenti Volodımır Zelenskıy Poloniyanı ziyaret etip, Donetsk vilâyetindeki Bahmut şeeriniñ vaziyeti cebede eñ qıyın qala, amma Ukrayına quvetleri şeerde buluna, rusiyeliler onı kontrol etmey.
Aynı vaqıtta, Zelenskıynıñ aytqanına köre, «daa sıcaq adiseler ve telüke olsa, askerlerimiz içün telüke olsa, o yerde generalnıñ doğru qararları alınacaq».
Aprelniñ 7-nde Ukrayına Silâlı quvetleriniñ Baş ştabı Bahmutta «deşetli uruşlar» aqqında bildirgen edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
