Ukrayına arbiyleri Bahmut rayonını efsal bölüklernen quvetleştire, dep bildirdi martnıñ 4-nde Britaniya istihbaratı.
Mütehassıslarnıñ esabatta qayd etkenlerine köre, soñki 36 saat içinde bu şeer yaqınlarında eki müim köpür yoq etildi, hususan Bahmutnı Çasiv Yar şeerinen birleştirgen müim bir köpür.
«Ukrayınalılar tutqan şeerni teminlev yolları pek sıñırlanğan», – dep aytıla haberde.
Donbastaki Bahmut şeeriniñ Ukrayına mudafaası daa büyük basqı altında buluna, şeerde ve etrafında deşetli uruşlar kete, dep bildirdi London.
«Rusiye ordusı «ÇVK Vagner» küçleri şeerniñ şimaliy civarlarında ücüm etmege devam etti, al-azırda o taraflarnı Ukrayına tuta», – dep bildirdi Britaniya istihbaratı.
Ukrayına Silâlı quvetleriniñ Baş ştabı martnıñ 4-nde Bahmut yönelişinde Rusiye şeerni sarıp almağa tırışa, dep bildirdi.
«Keçken künü askerlerimiz Donetsk vilâyetiniñ Vasükivka, Dubovo-Vasılivka, Boğdanivka, Bahmut ve İvanivske mesken yerleri rayonlarında ücümlerge qarşılıq kösterdi», – dep aytıla saba malümatında.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
