"Ukrayinanıñ keçken yolunı hatırlaymız ve bütün küçümizni Ukrayina qazanmalı olğan küreşke sarf etemiz", — dep ayttı Zelenskıy.
Onıñ qayd etkenine köre, asırlar devamında Ukrayina "ne olsa olsun, özüni saqlap qala": "Vetandaşlarımızğa nasıl istilâcı kelse de, Ukrayina er vaqıt tek dayanmaq içün degil de, bizni siznen yamanlıqtan ayırğan şeylerni saqlap qalmaq içün küç tapa".
Zelenskıy, Ukrayina, devletçiligini "özünden ğayrı er kesni qıymetsizleştirgen" Rusiyeden farqlana, dep ilâve etti.
"Bizler, insan olaraq tanılmağan ve kerçek hristianlıqtan uzaq olğan, qorqunçlı bir duşmanğa qarşı küreşemiz. Onıñ esası — viraneler, ölüm ve bizler onı yeñmek kerekmiz. Ukrayina yaşamaqtan az şeyge razı olamaz. Özüni saqlap qalmaqtan daa azına. İnsan olaraq qalmaqtan daa azına. Ukrayina, hasta öz-özüni tasdıqlamaq içün qan tökken yamanlıqqa boysunmaycaq. O, aqiqatnı, em insannıñ, em de Allahnıñ aqiqatını hor ete ve özünden ğayrı er kesni qıymetsiz saya", — dep tarif etti Zelenskıy.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
