Ukrayina ava ücüminden mudafaa quvetleri Kıyiv ve vilâyette İranda yasalğan 13 pilotsız uçaqnı urıp tüşürdi. Bunı Kıyiv şeeriniñ arbiy memuriyeti haber etti.
"Ava ücüminden mudafaa ve Radioelektron mucadele bölükleriniñ semereli işi sayesinde artıq 13 kamikadze pilotsız uçqan cihaz urıp tüşürilgen", - dep yazlıa bildirmede.
Ukrayina prezidenti ofisinde haber etilgenine köre, Rusiyeniñ ücümi neticesinde Kıyiv ve vilâyette memuriy binalar ve hususiy mesken evler zarar körgen. Yaralanğanlar aqqında haber etilmey.
Dekabrniñ 14-nde saba Kıyivde bir qaç patlav yüz berdi.
Ukrayina akimiyeti, bu kibi ücümler toqtasa bile, 2023 senesi baargece elektrik kesilmesi devam etecegini tahmin ete.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
