Dekabrniñ 30-na keçken gecesi Ukrayina ava mudafaası quvetleri Qırımdan uçurılğan 10 "Şahed" pilotsız uçağınıñ beşini urıp tüşürdi. Bunı Ukrayina Ava quvetleri öz telegram kanalında bildire.
''Rusiye işğalcileri Çauda burnundan (Qırım) 10 "Şahed" tipiniñ uçucısız uçaqlarınen ücüm etti'', - dep yazıla haberde.
Ukrayina Ava quvetlerinde, dronlar Mıkolayiv, Herson ve Hmelnıtsk vilâyetlerinde tüşürilgenini bildirdiler.
''Esas darbe Hersonnıñ cebe zonasıdır'', - dep qoştı ukrayin arbiyleri.
Dekabrniñ 29-na keçken gecesi Rusiye arbiyleri Ukrayinada soñki vaqıtları eñ büyük ücümlerden birini keçekleştirdi. Eñ azından 30 insan elâk oldı ve 160-tan ziyade yaralandı. Ukrayina Silâlı quvetleriniñ başı Valeriy Zalujnıy, Rusiye dekabrniñ 29-nda Ukrayinağa 158 raketa ve pilotsız uçaq attı, dep bildirdi. Kıyiv, Harkiv, Odesa, Lviv, Dnipro, Zaporojjâ ateşke oğradı. Bütün memlekette ava telükesi ilân etildi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
