Oktâbrniñ 5-ne keçer gecesi Rusiye Federatsiyasınıñ arbiyleri Ukrayınağa Shahed darbe uçucısızlarınen cenübiy yönelişten (işğal etilgen Qırımda Çauda burnu) ücüm etti, dep haber ete Ukrayına Silâlı quvetleriniñ Ava quvetleri.
«Umumen 29 darbe uçucısızı qayd etildi. Ava quvetleriniñ küç ve vastaları Ukrayına Mudafaa quvetleriniñ ava mudafaasınen beraber Odesa, Mıkolayıv ve Kirovoğrad vilâyetlerinde 24 Shahed-131/136-nı yoq etkenler», – dep aytıla haberde.
Rusiye arbiyleri raketa, uçucısızları, topları yetken Ukrayina şeerlerine muntazam sürette ateş aça. Delillerge baqmadan, Rusiye vatandaş ve arbiylerge qarşı cenk cinayetleri alâqası olğanını inkâr ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
