Martnıñ 27-nde gece Rusiye Federatsiyasınıñ ordusı Ukrayınağa 13 Shahed çeşitli darbe uçucısızınen ücüm etti, dep haber ete Ukrayına Silâlı quvetleriniñ Ava küçleri.
Dronlar Rusiyeniñ Kursk vilâyetinden uçurıldı.
Ukrayına silâlı quvetleri Harkiv, Sumı ve Kyiv vilâyetlerinde 10 Shahed yoq etildi, dep haber ete. Yerli akimiyetniñ malümatına köre, Sumı vilâyetinde ava mudafaası eki uçucısızı yoq etti.
Fevralniñ 21-ne qadar BM aman-aman 2 yıl devam etken Rusiyeniñ Ukrayınağa qarşı büyük istilâsı neticesinde 10582 insan elâk oldı, daa 19875 kişi yaralandı. Teşkilât ölgen vatandaşlarnıñ sayısı daa çoq, dep tahmin ete.
Rusiye arbiyleri çeşit silâlardan – dron, raketalar, RSZO - Ukrayına regionlarına muntazam surette ücüm ete. Yanvar ayında Rusiye ücümlerini quvetleştirdi, neticede onlarnen insan elâk oldı, yüzlernen insan yaralandı.
Moskva, delil ve şaatlıqlarğa baqmadan, tam cenk başlağanından berli Ukrayınada vatandaşlarğa ateş açılğanını red ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
