Ukrayina cenübiy topraqlarınıñ işğalden azat etilmesine azırlana. Bunı Ukrayina Mudafaa naziri Oleksiy Reznikov The Times neşrine haber etti.
Onıñ sözlerine köre, Ukrayina tarafı Ğarp silâları ile temin etilgen millionlıq arbiy quvet toplay.
Reznikov, Ukrayina devlet başı Volodımır Zelenskıynıñ ukrayin arbiylerine işğal etilgen cenübiy topraqlarını keri qaytarmağa buyurdı.
"Siyaset ceetinden memlketimiz içün bu kerekli olğanını añlaymız. Prezident yüqarı baş komandanğa planlar azırmalmağa buyurdı", -dedi o.
Yaqın kelecekte Ukrayina cenübiniñ işğalden azat etilecegi ile bağlı haberler daa sıqı oldı. Bundan ğayrı soñki künler akimiyet işğal etilgen Herson vidâyetiniñ sakinlerini arbiy areketler olacağı taqdirde bölgeni tekr etmege ya da sığınaqlar azırlamağa çağıra.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
