Rusiye ordusı Yañı yıl gecesi "rekord miqdarda" "Şahed" dronını qullandı, dep bildire Ukrayina Ava quvetleri yanvar 1-de saba.
''Ücüm dört yönelişte dalğalarnen yapıldı: Çauda burnu, Balıqlava Qırım, Kursk, Primarsk-Ahtarskiy - Rusiye Federatsiyası. Umumen , 90 duşmannıñ Shahed-136/131 uçucısız uçaqları uçurıldı'', - dep aytıla haberde.
Bundan da ğayrı, RF ordusı dört S-300 zenit idare etilgen raketasınen Harkiv vilâyetine darbeler endirdi, Zaporojjâ ve Herson vilâyetleriniñ işğal etilgen rayonlarından üç H-31P ve bir H-59 radiolokatsiyağa qarşı raketalar attı.
Arbiylerniñ malümatına köre, bütün regionlarda ava mudafaası çalışa edi.
''Ava ücümini Mudafaa quvetleriniñ mobil ateş gruppaları, Ava quvetleriniñ qırıcı aviatsiyası ve zenit raketa bölükleri çalıştı. Yañı yıl gecesinde kök qoruyıcıları duşman dronlarınıñ rekord miqdarını yoq ettiler'', - dep qoşa ukrayin komandanlığı.
Rusiye, isbat ve delillerge baqmadan,büyük cenk başlağanından berli Ukrayinada vatandaşlarğa ateş açılğanını red ete.
Ava quvetleri komandanınıñ malümatına köre, 2022 senesi fevralniñ 24-nden berli 1709 çeşit Rusiye raketi ve 3095 "Şahed" dronu yoq etildi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
