Ukrayina Silâlı Quvetleriniñ Mahsus operatsiyalar quvetleri işğal etilgen Qırımğa ücümni tasdıqladı.
Olarnıñ malümatına köre, operatsiya neticesinde Rusiye ordusınıñ arbiy qısımlarınıñ faaliyetini ve arbiy teminlevini temin etken logistika obyektleri bozulğan.
Daa evel Qırım telegram kanalları Canköy ve Qurman rayonlarında patlavlar aqqında bildirgen ediler. "Krımskiy veter" telegram kanalınıñ malümatına köre, demiryol stantsiyası yanındaki cermay bazası zarar kördi.
Aynı zamanda, RF Mudafaa nazirliginiñ malümatına köre, saba Qırım territoriyasında sekiz dron urulıp tüşürildi.
Muarririyet vaqia tafsilâtlarını şimdilik tasdıqlap olamay.
Keñ kölemli basuv başlanğanından berli Rusiye Qırımda muntazam sürette ava mudafaasınıñ işi aqqında bildire, amma, yarımadada arbiy infrastruktura zarar körgenini tasdıqlamay. Aynı zamanda Ukrayina, Rusiyeniñ Qara deñiz flotunıñ esas bazalarından biri olğan Qırımda arbiy obyektlerge ücüm etkenini bildire.