Ukrayina arbiyleri gece Rusiyeniñ Ukrayinağa ücüm etken 10 "Şahed-136/131" arbiy uçaqlarını urıp tüşürdi, olarnıñ bir qısmı Qırımdan yollanılğan edi.
Ukrayina Silâlı quvetleriniñ Ava quvetleri telegram kanalında bildirilgeni kibi, bu dronlar Mıkolayiv, Herson ve Harkiv vilâyetlerinde yoq etildi.
Ukrayina Silâlı quvetleriniñ malümatına köre, fevralniñ 9-na keçken gecesi Rusiye 16 "şehedni" Çauda burnu (ilhaq etilgen Qırım) ve Kursk vilâyetinden (Rusiye Federatsiyası) ücüm etti.
Rusiye arbiyleri çeşit silâlardan - dronlar, raketalar, KAB, RSZO - Ukrayina regionlarına muntazam surette ücüm ete. Yanvar ayında Rusiye ücümlerini quvetleştirdi, neticede onlarnen insan elâk oldı, yüzlernen insan yaralandı.
Ukrayina prezidenti Volodımır Zelenskıy yanvarniñ 30-nda bildirdi ki, yılnıñ başından berli Rusiye Ukrayinağa 330-dan ziyade çeşit raketa ve tahminen 600 arbiy uçucısız uçaqnı uçurdı.
Moskva, isbat ve şaatlıqlarğa baqmadan, tam cenk başlağanından berli Ukrayinada vatandaşlarğa ateş açılğanını red ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
