Armannıñ 13-ne keçer gecesi Ukrayin arbiyleri işğal etilgen Aqyarda "Nebo-U" radar stansiyasına ücüm etti, dep haber etti Ukrayina SQ-niñ Baş ştabı.
"Ukrayina mudafaa quvetleri duşman territoriyasındaki arbiy obyektlerge ve vaqtınca işğal etilgen Ukrayina topraqlarına bir sıra ateş açtı. Hususan, Aqyarda "Nebo-U" radar stantsiyası zarar kördi", — dep aytıla haberde.
"Nebo-U" — Rusiyeniñ uzaq mesafeli üç koordinatlı radar stansıyası, ava nişanlarını, şu cümleden uçaqlarnı, qanatlı ve ballistik raketalarnı tapmaq ve olarnı rafaqat etmek içün yapılğan.
"Stansiyanıñ yoq etilmesi duşmannıñ ava boşluğını nezaret etmek ve ava nişanlarını vaqtında tapmaq imkânlarını eksiltti", — dep qoştılar Ukrayina Silâlı quvetleriniñ Baş ştabında.
İdarede stansiyağa ücüm etilgenini tasdıqlamalar. Rusiye arbiyleri ğayıpları aqqında haber etmedi.
2022 senesinden başlap Qırım yarımadasınıñ territoriyasına aman-aman er kün pilotsız uçaq ve raketalar ücüm ete. Çoqusı allarda Rusiye Mudafaa nazirligi ya da Rusiye akimiyeti, bu malümatnı tasdıqlasa bile, arbiy obyektlerge zarar ketirilgenini tasdıqlamay.