Ukrayina Arbiy-deñiz quvetleriniñ spikeri, polkovnik Dmıtro Pletentçuk, Keriç köprüniñ patlavı aqqında haberlerni izaatladı.
"Bu obyekt, bu kibi diger obyektler kibi, qanuniy arbiy nişan olaraq qala. Ukrayina bu mevamından vazgeçmedi. Prezident Zelenskıynıñ qayd etkenine köre, bu obyektler bu yerde kerekli degil. Böyle er bir adise tek rusiyelilerniñ logistik imkânlarını degil de, olarnıñ cezasız qalmasına olğan inançını da boza", — dedi Pletçençuk.
Onıñ aytqanına köre, bu ücüm tek Rusiye Federatsiyasınıñ ilhaq etilgen Qırım ile logistik alâqalarını qıyınlaştırmay, aynı zamanda timsaliy emiyeti de bar.
"Er alda, bu, vaqtınca işğal etilgen Qırım ile logistik alâqalarnı qıyınlaştırmaq kerek. Elbette, Qırım köprü dep adlandırılğan inşaat bu vazifeni eda ete edi, keçken ücümden soñ demiryol alâqası içün bazı logistika imkânlarını coydı. Ümüt etemiz ki, o daa bazı imkânlarını coyar. Amma em bu cenkte, em de hususan bu köpürde mefküreviy qısım pek büyük ve müim olıp qala", — dedi Pletçençuk.
İlk yaz ayınıñ 3-nde Ukrayina havfsızlıq hızmeti Rusiye Federatsiyasını işğal etilgen Qırım ile bağlağan Keriç köprüniñ muvafaqiyetli patlavı aqqında bildirdi.
Berilgen malümatqa köre, ameliyat bir qaç ay devam etti, agentler tirelemelerni minalağan ve ilk yaz ayınıñ 3-ne keçken gecesi, saat 4:44-te, birinci patlav cihazı işke tüşürigen.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
