Ukrayina Silâlı quvetleriniñ pilotsız sistemaları kiçik aynıñ 12-nde işğal etilgen Qırımnıñ Sarabuz qasabası yanındaki Rusiye arbiy uçaq alanında radar sistemasına darbe endirildi, dep bildirdi. Bu video kiçik aynıñ 13-nde müessiseniñ Facebook saifesinde derc etildi.
"Kiçik aynıñ 12-nde SBS 1-inci ayrı merkeziniñ operatorları middle strike vastalarınen bir qaç obyektni urdı: işğal etilgen Luganskta "Kirov" elektrik ast stantsiyası; Rusiye Federatsiyası tarafından ilhaq etilgen Qırımda "Sarabuz" arbiy uç aqalanı; Primorskta data-merkezi. Zararlar aqqında tafsilâtlar daa aydınlatıla", — dep yazıla videonıñ altında.
Rusiye arbiyleri bu haberni izaatlamadı.
Keçken künü yerli kanallar ve Qırım.Aqiqat mühbiri Qırımda patlav sesleri aqqında bildirgen ediler. Hususan, "Krımskiy veter" telegram kanalı öz abunecilerine atıf etip, kiçik aynıñ 12-nde saba erte Sarabuz şeerinde patlav aqqında haber etti.
2022 senesinden başlap, Qırım yarımadasınıñ territoriyasına aman-aman er kün pilotsız uçaq ve raketalar ücüm ete, çoqusı allarda Rusiye Mudafaa nazirligi ya da Rusiye akimiyeti arbiy obyektlerge ücüm etkenini tasdıqlamay, bu malümatnı teşkermege imkân olsa da.