Ukrayina Silâlı quvetleriniñ Baş ştabı, Quralaynıñ 19-nda ve 2026 senesi Quralaynıñ 20-ne keçer gecesi Ukrayina Mudafaa quvetleriniñ bölükleri, Rusiyeniñ Yaroslav vilâyetinde Kstov şeerindeki cermay zavodını ve cermay pompalav stansiyasını urğanlarını tasdıqladı.
"Avt-6 ilk cermay işleme qurulışı zararlandı, soñra ise, Nizhniy Novgorod vilâyetiniñ Kstovo meskün yeri civarındaki "Lukoyl-Nijegorodnefteorgsintez" cermay işleme zavodında yanğın çıqtı. Semibratovo (Yaroslav vilâyeti) Yaroslavl-3 neft pompalav stansiyasınıñ zararlanuvı neticesinde umumiy miqdarı 140 biñ kubometr olğan dört rezervuarnıñ zarar körgeni tasdıqlandı. Stansiya neft taşıması sistemasınıñ müim bir parçası ola ve istilâcı devletniñ arbiy-sanayı infrastrukturasınıñ temin etilmesinde iştirak ete", — denile beyanatta.
Bundan evel Telegram-kanalları Quralaynıñ 20-ne keçer gecesi Ukrayin dronları Nijniy Novgorod vilâyetiniñ Kstovo şeerine ücüm etkenini bildirgen ediler. Astra neşiriniñ malümatına köre, darbe "Lukoyl-Nijegorodnefteorgsintez" neft zavodına endirildi, anda yanğın çıqtı.
Quralaynıñ 19-nda Ukrayina mudafaa quvetleri Rusiye Federatsiyasınıñ Nizhniy Novgorod vilâyetiniñ Kstovo şeerinde "Lukoyl-Nijegorodnefteorgsintez" neft işleme zavodına ücüm etti, dep bildire Ukrayina Silâlı quvetleriniñ Baş ştabı.
"Lukoyl-Nijegorodnefteorgsintez" — Moskvanı ve Moskva vilâyetini yaqıtnen temin etken Rusiyeniñ eñ büyük neft istisal zavodlarından biri.