Rusiye ordusı Ukrayinağa çeçek ayınıñ 15-ne keçer gecesi üç "İskander-M" ballistik raketa ve 324 çeşit pilotsız uçaq qullanıp ücüm etti, dep bildire Ukrayina Silâlı quvetleriniñ Ava quvetleri.
Berilgen malümatqa köre, raketalar Rusiyeniñ Rostov vilâyetinden, "Shahed", "Gerber", "Italmas" ve diger dronları Rusiyeniñ Kursk, Orla, Millerovo, Şatalov, Primorsk-Ahtarsk ve em de işğal etilgen Qırımnıñ Sarabuz qasabası ve Çauda burnu yönelişlerinden atıldı.
Ücümni aviasiya, zenit raketa orduları, REB bölükleri ve pilotsız sistemalar ve Ukrayina Silâlı quvetleriniñ mobil ateş gruppaları qaytardı.
Ukraiyna Silâlı quvetleri komandanlığı doquz yerde ballistik raketa ve 13 urulııp tüşürilgen uçucısız urulğanını qayd etti.
Rusiye arbiyleri Ukrayina regionlarına çeşit silâ qullanıp muntazam surette ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastrukturalarına, hastahaneler, mektepler, bala bağçaları, energetika ve suv teminlevi obyektlerine ücüm etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.