Ukrayina Silâlı quvetleriniñ arbiy-deñiz quvetleri saban ayınıñ 5-nde Ka-27 Rusiye vertolötını yoq etkenini bildirdi.
"Ukrayina Silâlı quvetleriniñ Arbiy-deñiz quvetleriniñ küç ve vastaları ile Qara deñiz üzerinde Ka-27 duşman gemisiniñ deñizaltı mudafaa helikopteri yoq etildi", — dep aytıla arbiy deñiz quvetleriniñ içtimaiy ağlardaki haberinde.
Ukrayina Silâlı quvetleri Baş ştabınıñ malümatına köre, Ukrayinağa basuv başlağanından berli Rusiye 435 uçaq ve 348 helikopterni ğayıp etti.
Rusiye öz ğayıplarını resmiy şekilde aydınlatmay, Rusiye arbiyleri bu haberni izaatlamadı.