Rusiye ordusı gece devamında Ukrayinağa 154 ücüm uçağınen ücüm etti, dep bildirdi Ukrayina Arbiy-ava quvetleriniñ komandanlığı İlk yaznıñ 30-ı sabasında.
Arbiylerniñ malümatına köre, "Şahed" tipindeki dronlar, şu cümleden reaktiv, "Gerber", "İtalmas" ve imitatorlar Rusiyedeki Kursk, Orla ve işğal etilgen Donetsk ve Qırımdaki Sarabuz yönelişlerinden uçurıldı.
"İlk malümatqa köre, saat 08:30, ava mudafaası tarafından memleketniñ şimalinde, cenübinde, merkezinde ve şarqında duşmannıñ 138 Shahed, Gerber, Italmas ve diger dronları urulıp tüşürildi", — dep aytıla haberde.
Ava quvetleri 10 yerde 13 urulıp tüşürilgen uçaqnı qayd etti ve eki yerde uçaq parçaları tüşti.
Rusiye arbiyleri Ukrayina regionlarına muntazam sürette ücüm ete, çeşit silâ qullana – uçucısız, raketa, KAB, reaktik toplu atış sistemaları.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tasnif ete ve olarnıñ maqsadı bar, dep qayd ete.
İnsanlarnı elektrik energiyası, sıcaq, su, bağ, tibbiy yardım ve yaşayış içün diger kerekli şaraitlersiz qaldırmaq içün eali yaşayışını teminlev sistemaları ve sağlıq müessiselerine qarşı ateşler genotsid areketleriniñ alâmetlerini taşıy.
Rusiye reberligi Rusiye ordusı büyük cenk vaqtında Ukrayinanıñ şeer ve köylerinde vatandaş infrastrukturasına qarşı darbe endirgenini, vatandaşlarnı öldürgenini ve hastahane, mektep, bala bağçaları, energetika ve suv obyektlerini yıqqanını inkâr ete.