İşğal etilgen Geniçeskte qaçırılğan Ukrayina Arbiy deñiz quvetleriniñ "Slavutiç" istihbarat gemisiniñ sabıq komandanı Oleksiy Kisilev Rusiye quvetçileri tarafından elektrik aqımı ile iskencelerge oğratıldı.
Bunı advokatı Aleksey Ladinge Oleksiy Kisilev haber etken, dep bildire "Gratı" neşri.
Kisilevnıñ sözlerine köre, tevqif etilgen ve şiddetli tintüvden soñ, iyülniñ 22-nde onı Rusiye gvardiyasınıñ şidmdi bulunğanı Geniçeskteki №17 ihtisasiy tehnik oquv yurtuna alıp ketkenler. Bundan soñ onı "Traktorist" şartlı ismi ile bir erkek sorğuğa çekken.
"Subetten soñ meni gecelev içün yedi yer olğan bir odağa alıp kettiler, anda men sabağa qadar qaldım ve anda meni elektrik aqımı ile iskencelerge oğratıp sorğuladılar. Mezkür sorğular vaqtında men iç kimseni körmedim, çünki başım futbolkanen qapalı edi. Sorğular bazarertesine qadar devam etti, künde eki kere, devamlığı da eki saat edi. Geniçeskteki silâlarnıñ bulunğan yeri, menim şartlı ismim, menim hadimlerimniñ isimleri, Ukrayina mahsus hızmetlerini şeerdeki vaziyetke dair nasıl malümat bergenim aqqında soray ediler", - advkot Kisilevnıñ aytqanlarından alıntı ketire.
Beş kün anda tutqan soñ iyülniñ 27-nde Kiselevnı Aqmescitke alıp ketkenler. Onıñ sözlerine köre, anda iskenceler ve sorğular devam etken.
"Olar dediler ki, men torrorcı, Noman Çelebicihan adına göñülli qırımtatar batalyonınıñ iştirakçisi ve 2010 senesi prezidentniñ Qırımdaki daimiy temsilcisi Sergey Künitsinniñ reberligi altında mahsus gruppanıñ azası olğanımnı itiraf etmelim. Arada-sırada maña qarşı zorlav tedbirleri qullanıldı", - Ladin Kiselevnıñ aytın bergenini bildire.
Rusiye quvetçileri Qırımda Ukrayina Arbiy deñiz quvetleriniñ "Slavutiç" keşfiyat gemisiniñ keçmiş komandanı Oleksiy Kisilevnı Rusiyede yasaq etilgen ve terroristik sayılğan Noman Çelebicihan adına göñülli qırımtatar batalyonında iştirak etüv ile qabaatlap, qaçırdılar.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrayinalılarnıñ tirenüvi sebebinden Kıyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz
