Çeçekniñ 24-ne keçer gecesi Rusiye arbiyleri Ukrayinağa eki İskander-M ballistik raketası ve 107 uçucısıznen ücüm etti, olardan 70-ke yaqını "Şahed" edi, dep bildirdi Ukrayina Arbiy-ava quvetleri. Beyanatqa binaen, pilotsız uçqan cihazlar Rusiye Federatsiyasınıñ beş yönelişinden ve işğal etilgen Qırımnıñ Sarabuz qasabasından uçurılğan.
İlk malümatqa köre, ava mudafaası tarafından memleketniñ şimalinde, cenübinde ve şarqında 96 duşman "Shahed", "Gerbera", "Italmas" ve diger dronları urulıp tüşürildi.
Arbiylerniñ aytqanına köre, eki ballistik raketa ve 10 uçuşsız uçaq doquz yerde uruldı ve daa eki yerge parçalar tüşti.
Rusiye arbiyleri Ukrayina regionlarına çeşit silâ qullanıp muntazam surette ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastrukturalarına, hastahaneler, mektepler, bala bağçaları, energetika ve suv teminlevi obyektlerine ücüm etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.