Rusiye ordusı, işğal etilgen Qırımnıñ Sarabuz qasabasından eki "İskander-M" ballistik raketanı ve 197 Shahed, Gerber, Italmas ve diger tiplerdeki ücüm uçaqlarınen Ukrayinağa ücüm etti, dep bildire saban ayınıñ 9-nda saba Ukrayina Ava quvetleri.
Arbiylerniñ malümatına köre, pilotsız uçaqlarnı Orl, Kursk, Brânsk, Millerovo, Primarsk-Ahtarsk ve işğal etilgen Qırımdaki sarabuz qasabasından uçurğan.
"İlk malümatqa köre, ava mudafaası tarafından memleketniñ şimalinde, cenübinde ve şarqında 161 duşmannıñ Shahed, Gerbera, Italmas ve diger dronları urulıp tüşürildi", — dep aytıla haberde.
Komandanlıq sekiz yerde eki raketa ve 36 ucüm dronınıñ urulmasını ve bir yerde parçalarnıñ tüşmesini qayd etti.
Rusiye arbiyleri Ukrayina regionlarına çeşit silâ qullanıp muntazam surette ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastrukturalarına, hastahaneler, mektepler, bala bağçaları, energetika ve suv teminlevi obyektlerine ücüm etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.