Rusiye ordusı cuma künü saba Donetsk vilâyetiniñ Pokrovsk şeerine darbe endirdi, dep bildirdi vilâyetniñ arbiy memuriyetiniñ yolbaşçısı İgor Moroz.
Soñki malümatqa köre, bir kişi elâk oldı, 13 yaralandı. Qısmen eki memuriy bina yıqılğan.
Fevqulâde vaziyeti devlet hızmetiniñ haber etkeni kibi, dağıntılar tübünden üç adam qurtarılğan.
Pokrovsk Donetsk vilâyetiniñ ğarbında, Dnipropetrovsk vilâyeti ile memuriy sıñırnıñ yaqınlarında yerleşe. Pokrovskatan cebege qadar bir qaç on kilometrdir.
Rusiye arbiyleri raketa, uçucısızları, topları yetken Ukrayina şeerlerine muntazam sürette ateş aça. Delillerge baqmadan, Rusiye vatandaş ve arbiylerge qarşı cenk cinayetleri alâqası olğanını inkâr ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
