Ukrayina ABD-den yañı arbiy paketi aldı. Bunı noyabrniñ 4-nde Ukrayina prezidenti ofisiniñ yolbaşçısı Andryi Yermak bildirdi.
"Amerikadan ortaqlarımızğa Ukrayinağa nevbetteki 400 million dollarlıq arbiy yardım paketi içün minnnetdarmız. Digeri arasında T-72 tankları, M1117 zırhlı arabalar; zırhlı katerler; Phoenix Ghost dronları", - dep yazdı memur.
O, ABD prezidenti, Kongressi ve halqına yardım içün teşekkür etti.
Pentagonda keçirilgen brifing vaqtında qayd etkenleri kibi, söz Phoenix Ghost 1100 kamikadze dronları, 250 zırhlı taşıyıcısı, 40 zırhlı kater ve sovet T-72 tankları aqqındadır.
ABD Ukrayinağa er kesten çoq arbiy yardım köstergen memlekettir, fevral ayından başlap Amerika Ukrayinağa 18 million dollarlıq arbiy yardım berdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
