Dekabrniñ 4-ne keçer gecesi Rusiye arbiyleri Kursk vilâyetiniñ ava meydanından H-59/69 idare etilgen raketası ve 50 ücüm uçucısızınen Ukrayinağa ücüm etti, dep haber ete Ukrayina Silâlı quvetleriniñ Ava küçleri.
«Saat 9-ğa qadar Ukrayina Ava Quvetleri ve Mudafaa Quvetleriniñ zenit raketa küçleri, radioelektron küreş ve mobil ateş gruppalarınıñ bölükleri Kyiv, Harkiv, Poltava, Sumı, Çerniğiv, Hmelnıtskıy, Ternopil, Mıkolayıv ve Donetsk vilâyetlerinde duşmannıñ 29 uçucısızını urıp tüşürdi», – dep yazılğan haberde.
18 dron yerinde ğayıp oldı, daa birisi idare etilgen ava meydanından işğal etilgen topraq tarafına çıqtı, dep qayd ete arbiyler.
Yerli ğayıp olğanlar Ava Quvetleriniñ radiotehnik ordusınen taqip etilgen nişanlar radarlardan ğayıp ola, bu ise olarnıñ ya yaqarı bitkenini, ya da elektron cenkniñ tesiri altında tüşkenini añlata demek ola, dep bildirgen edi Ukrayina Silâlı Quvetleri Ava küçleriniñ komandanlıq idaresiniñ yolbaşçısı Yuriy İgnat.
Rusiye arbiyleri çeşit silâlardan muntazam sürette ukrayin regionlarına ücüm ete.
Rusiye yolbaşçılığı, Rusiye ordusınıñ, büyük cenk vaqtında, Ukrayina şeerleri ve köyleriniñ grajdan infrastrukturalarına maqsatlı darbeler endirgenini, vatandaş ealisini öldürgenini ve hastahaneler, mektepler, bala bağçaları, energetika ve suv teminatı obyektlerini yoq etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.
Roskomnadzor Qırım.Aqiqat saytını blok etti.Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
