Ukrayinanıñ cebede yerleşken rayonında Welt alman neşriyatınıñ üç hadimi, Rusiyeniñ "Lanset" kamikadze dronu tarafından ücüm etilgende yaralandı. Zarar körgen jurnalistlerden biri, İbragim Naber, adise Ukrayina şarqında, cebe sızığından tahminen 25-30 kilometr uzaqlığında olıp keçkenini bildirdi. Ücümden bir qaç daqqa evel jurnalistler ava mudafaası bölüginiñ askerleri ile intervyü keçirgen ediler ve ücüm vaqtında arbiylerden bir qaç metr uzaqlıqta ediler.
Aynı zamanda Naber qayd etti ki, çekimler vaqtında onıñ ve zenaatdaşlarınıñ üzerinde jurnalist olğanlarını köstergen işaretler bar edi.
Ücüm neticesinde üç ukrayin arbiyinden biri Konstantin elâk oldı. Daa bir ZSU hadimi ağır yaralandı. Jurnalistlerniñ prodüseri İvan ameliyatqa muhtac, operator Viktor ve Naberniñ özü ise yengil yaralandı, dep haber ete Hromadske.
Alman jurnalisti, Rusiye ücüminden soñ ayağı kesilgen ukrayin askeri içün para toplağanını bildirdi.
