Ukrayina nazirler kabineti tış işler naziriniñ birinci muavini Emine Cepparnı işten boşattı, dep bildire Ukrayina Yuqarı Radasında ükümetniñ vekili Taras Melniçük.
"Ceppar Emina Ayyarovna Ukrayina tış işler naziriniñ birinci muavini vazifesinden boşatıldı", – dep yazdı Melniçük Nazirler kabinetiniñ kadrlar qararları blokunda.
Cepparnıñ özü de içtimaiy ağlarda işten boşatılğanını tasdıqladı.
"Dmıtro Kulebanıñ daveti ile dört yıllıq yol bir devir kibidir. Men neticelerni ve hulâsalarnı sevmeyim. Men bellesem, olarnı cemiyet yapmalı. Qayd eteyim ki, menim içün eñ qıymetli edi ve qalacaq – hızmet. Öz memleketime ve halqıma", – dep ayttı o.
Fevral ayında Zelenskıy onı Viyanada halqara teşkilâtlarnıñ yanında daimiy temsilci olaraq tayinledi.
Emine Ceppar 2020 senesi mayıs ayında Ukrayina tış işler naziriniñ birinci muavini oldı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
