Ukrayin yengil atleti Yaroslava Maguçıh 37 yıl devamında qadınlar arasında yükseklikke sıçramada dünya rekordını qırdı.
Pariste Olimpiada ögündeki yarışlarda Maguçih 2 metr 10 santimetr yükseklikte qoyulğan plankanı atladı.
Bundan evelki rekord, 2 metr 9 santimetr, 1987 senesi avgust ayında bolğar sportçusı, defalarca dünya ve Avropa çempionı Stefka Kostadinova tarafından qoyulğan edi. Qayd etmek kerek ki, o vaqıt rekordcı tek 22 yaşında edi - Manguçiç şimdi olğanı kibi.
Yaroslava Maguiç şimdilik eki kere dünya çempionı, dört kere ise Avropa çempionıdır. 2020 senesi yaz Olimpik oyunlarında o, tunç medal qazandı.
2022 senesiniñ baarinde Maguçıh, Rusiyeniñ Ukrayinağa arbiy istilâsı sebebinden tuvğan şeeri Dnipronı terk etmege mecbur oldı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
