Respeecher ukrayin startapı qırımtatar tiliniñ populârlaştırılması içün bir leyha başlattı.
Taqım suniy siñir ağını qırımtatar tilini tanımağa ögretecek ola ve bunıñ içün til taşıyıcılarınıñ seslerini toplay.
Haber etilgeni kibi, til smartforlarda, çat botlarda ve onlayn tercimanlarda qullanılacaq.
"Yüksek keyfiyetli talil içün leyhanıñ teşebbüsçilerine 1000 saatlıq qırımtatar tilindeki audio yazıları kerek. Til taşıyıcıları evde diktofonğa yazılğan ses yazılarını yollay bileler. Kıyivde yaşağanlar ise Respeecher-niñ studiyasına kelip yazıla bileler", - dep yazıla bildirmede.
Ukrayina katolik universitetiniñ din ve cemiyet institutı qırımtatar tilini ögrenüv kursını başlata.
Daa evel Ukrayinada latif urufatında qırımtatar tili imlâsı azırlanacaq, dep haber etilgen edi.
Bundan ğayrı, Ukrayina prezidentiniñ Qırım Muhtar Cumhuriyetindeki vekili Tamila Taşeva Qırımda balalarnıñ tek 0,1%-ı ukraince ve qırımtatarca ögrene bile, dep bildirdi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
