«Dron ücüminiñ yapılmaması da avanen bağlı olğanını añlaymız. Lâkin duşman top ateşlerini devam ettire ve tünevin özüni hersonlılarğa, Antonivka sakinlerine hatırlattı», – dep tarif etti Ğumenük.
Onıñ aytqanına köre, regionda vatandaşlar zarar körmedi. Ğumenük qayd etkenine köre, «duşman ileride de mesken yerlerine snarâdlarnen, içtimaiy infrastruktura obyektlerine ücüm etmege istey».
«Rusiye ileride de sıcaq, gaz, ışıq teminlevi meselelerinde iş çıqarmağa tırışacaq. Aynı vaqıtta işğalciler taktik aviatsiya faalligini eksiltti. Bu da ava ve Mudafaa quvetleriniñ iş neticesidir», – dep ayta o.
Bundan ğayrı, Ğumenük «Cenüp» operativ komandanlığınıñ tedbir alanında «uçaqlar eksilse de, duşman ara-sıra aviatsiya qullana», dep qayd etti.
«Bu künleri duşman sağ tarafına idare etilgen ava bombalarınen ve sol tarafğa idare etilmegen aviatsiya raketalarınen bombardımannı tekrarlamağa tırıştı, ücüm areketleri neticesiz ola ve anda em insan, em tehnikanı coyalar, şunıñ içün aviatsiyanen bastırmağa tırışqanlar», – dep tarif etti spiker.
Rusiye arbiyleri uzun vaqıt devamında er gece Ukrayınağa kamikadze dronlarınen ücüm ete. Yanvarniñ 8-ne keçer gecesi Rusiye ordusı Ukrayınağa 8 uçucısız uçurdı, ava mudafaası bütün nişanlarnı urdı. 8-si Odesa vilâyetinde oldı, dep haber etti Ukrayına Silâlı Quvetleriniñ Ava quvetleri.
Rusiye arbiyleri işğal altındaki Ukrayina topraqlarını, şu cümleden mülkiy obyektlerni muntazam sürette ateşke tuta. Delillerge baqmadan, Moskva bu darbelerniñ maqsadı Ukrayinanıñ arbiy infraterkibi olğanını iddia ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
