Link açıqlığı

Saatnıñ esas haberi

Ukrayin rejissörı Mstıslav Çernov "Sandens" festivalinde mukâfat qazandı


Mstıslav Çernov
Mstıslav Çernov

Ukrayin rejissör Mstıslav Çernov "Andriyivkağa 2000 metr" filmi içün "Sandens" festivalinde rejissörlıq mukâfatını aldı. Bu aqta festivalniñ içtimaiy ağlarında haber etile.

Çernovnıñ yañı filmi 2023 senesiniñ ukrayin tecavuzınıñ levhalarından birine bağışlana — Bahmuttan 10 kilometr uzaqlığında yerleşken Andriyivka köyü içün uruşlarğa bağışlana. O vaqıt Ukrayina arbiy quvetleri Rusiye ordusını köyden çıqarıp oldılar, amma biraz vaqıt keçken soñ, köy kene de olar tarafından zapt etildi.

2024 senesi mart ayında Çernov "Mariupolde 20 kün" vesiqalı filmi içün "Oskar" kino mukâfatını aldı. Film, Rusiyeniñ Ukrayinağa istilâsınıñ ilk künleri, hususan Mariupol qamaçavı aqqında ikâye ete.

Film Pulitser mukâfatına ve "Eñ yahşı vesiqalı film" namzetinde Britaniya kino ve televizion sanatlar akademiyasınıñ (BAFTA) mukâfatına de nail oldı. Filmni Rusiyede ve sabıq sovet memleketlerinde Azatlıq Radiosı mediakorporatsiyasınıñ Votvot bedava yayın platformasında seyir etmek mümkün.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG