İyünniñ 13-nde saba saatlarında 18 biñ tonna ukrayin mısırboğdayınen gemi Rusiyeniñ Ukrayina deñiz limanlarını blok etmesi sebebinden "yañı deñiz marşrutı ile" İspaniyanıñ şimal-ğarbındaki limanına kelip çıqtı. Bunı CNN televizion kanalı haber ete. Mısırboğday Baltıq deñizinden keçirildi.
Mısırboğday ile yüklengen Alppila yük gemisi bazarertesi künü sabaa saatlarında İspaniyanıñ La-Korunya deñiz limanını kelip çıqtı ve salığace boşatılmaq kerek.
Ukrayina TİN yolbaşçısınıñ muavini Dmıtro Senik iyunbniñ 12-nde Reuters agentligine bildirdi ki, Ukrayina 22 millin tonna zahiresini ihrac etmek içün Romaniya, Poloniya ve Baltıq devletleri vastasınen yañı marşrutlar yarata.
Ukrayina dünyanıñ dörtünci eñ büyük zahire ihracatçısıdır. 2021 senesi o tahminen 45 million tonna aşlıq ekinlerini ihrac etti.
Al-azırda Ukrayinanıñ deñiz limanları blok etilgen. Türkiye limanlarnıñ bloktan çıqarılması içün Ukrayinağa yardım etmege azır olğanını bildirgen edi. Amma Ukrayina akimiyeti limanlarğa keçit yerleri minasızlaştırılsa6 Rusiyeniñ Odesağa ücüm içün deñiz koridorlardan faydalanacağından saqına.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
