Ukrayin deñiz uçaqları Qara deñizde işğal etilgen Qırımnıñ yalısında Rusiye tarafından zapt etilgen gaz platformalarına ücüm etti. Bunı Ukrayina Arbiy-deñiz quvetleriniñ komandanı Oleksiy Neijpapa bildirdi.
Onıñ aytqanına köre, darbe neticesinde Rusiye arbiyleriniñ közetüv sistemaları yoq etildi.
"Arbiy deñiz quvetleri bölüginiñ deñiz uçaqları Rusiye nişanlarına ücüm etti. Vaqtınca işğal etilgen Qırım yalısında zapt etilgen gaz platformalarında yerleştirilgen duşman nezaret sisteması yoq etildi", — dep aytıla haberde.
Muarririyet bu beyanatnı mustaqil olaraq teşkerip olamay.
Söz Qırım yalısındaki Qara deñizde qaz ve cermay çıqarğan platformalar aqqında kete. Rusiye olarnı 2015 senesinde zapt etti, ve tam bir istilâdan soñ arbiy maqsatları içün qullana edi. Hususan, vertolöt meydançıqları ve radiolokatsiya stantsiyalarını yerleştirmek içün. Rusiye tarafından qanunsız şekilde zapt etilgen "Çernomorneftegaz"nıñ burğulav qurulışlarına qarşı arbiy silâlı quvetlerniñ darbeleri aqqında haberler 2022 senesiniñ iyün ayından berli kele.
Avgust ayında Ukrayina Arbiy-deñiz quvetleriniñ spikeri Dmıtro Pletençuk, Qara deñizde gaz çıqarıcı qullede Rusiyeniñ radioelektron küreş kompleksi yoq etilgenini beyan etken edi.
Roskomnadzor Qırım.Aqiqat saytını blok etti.Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
