Ukrayina Silâlı Quvetleriniñ Baş ştabınıñ haber etkeni kibi, arbiylerimiz Rusiye ordusına, hususan olarnı silâ ile temin etken noqtalarğa darbeler endirmekni devam eteler.
"Ukrayina aviatsiyası ve raketa-artilleriya bölükleri rus işğalcilerniñ silâ anbarlarına, canlı quvetlerine ve arbiy tehnikağa darbeler endirmekni devam eteler", - dep yazıla bildirmede.
Daa evel ihtimal ki, Herson vilâyetiniñ işğal etilgen Yañı Kahovkada Rusiye quvetleriniñ anbarlarında yüz bergen patlavlar aqqında haber etilgen edi.
Ukrayina Silâlı Quvetleriniñ Baş ştabınıñ malümatına köre, keçenlerde RF Harkiv ve onıñ civarını ateşke tuttı.
Haber etilgeni kibi, RF Slavânsk, Bahmut, Novopavlovsk, Avdeyevsk, Kurahovsk, Zaporojsk, Yujnobugsk yönelişlerinde ateşke tutmalarnı toqtatmay.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
