Ukrayin arbiyleri Ka-52 Rusiye tikuçarını yoq ettiler, dep haber etti Ukrayina Silâlı quvetleriniñ baş ştabı.
"İmayecilerimiz şarqiy cebede Ka-52 Rusiye tikuçarını yoq ettiler", - dep yazıla bildirmede.
Ştabnıñ malümatına köre, ukrayin aviatsiyası kün devamında mahsus gruppanıñ ve Rusiye arbiy tehnikasınıñ yerleşkeni rayonlarğa 11 ve uçaqquvr raketa kompleksleriniñ mevzilerine 5 darbe endirgen.
Aynı zamanda, raketa ve top bölüklerimiz RF ordusınıñ idare noqtasını atıp urğanlar.
Rusiye Federatsiyasınıñ ordusı keçken künü 690 arbiyini ğayıp etti, dep bildirdi Ukrayina Silâlı quvetleriniñ Baş ştabı. Berilgen malümatqa köre, Rusiyeniñ Ukrayinağa qarşı kerçekleştirgen büyük istilâsı başlağanından tahminen 139 770 biñ Rusiye arbiyi öldi.
Ukrayina komandanlığınıñ malümatına köre, büyük istilâ başlanğanından berli Rusiye 286 tikuçarını ğayıp etken.
Rusiye 2022 senesi fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
