İyülniñ 26-nda Ukrayina Ava mudafaası quvetleri Qara deñiz akvatoriyasında uçurtılğan eki "Kalirb" qanatlı raketanı urıp tüşürdi. Bunı Ukrayina Silâlı Quvetleriniñ Ava quvetlerinde haber ettiler.
Haber etilgeni kibi, ekisi de Vinnıtsâ vilâyetinde urıp tüşürilgen.
"İyülniñ 26-nda saat 13-te duşman Qara deñiz akvatoriyasından "Kalibr" qanatla raketalar ile darbe endirdi. Ava boşluğına raketalar cenüp-şarq taraftan kirdi ve bütün vaqıt martşrutını deñiştirip ketti. Ekisi de Vinnıtsâ vilâyetinde urıp tüşürildi", - dep yazıla bildirmede.
Bundan ğayrı saat 17-de de Hazar deñizinden qanatlı raketalar uçurtıldı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
