Yaqın eki ayda Donetsk ve Lugansk yönelişlerinde faal uruş areketleri olacaq, dep bildirdi Ukrayına Mudafaa nazirligi Baş istihbarat idaresiniñ vekili Vadım Skıbıtskıy«Ukrinform» agentligine bergen intervyüsında.
«Fevral-mart hususan Lugansk ve Donetsk vilâyetlerinde faal uruş areketleri olacaq. Şimdi Beyazrusiyeden 1-inci tank ordusınıñ 2-nci mehanizmleştirilgen diviziyasını köremiz. Kene sıñırdan bizim toprağımızğa kire bileler, Kupânsk yönelişi, duşman daa evel zapt etken Lugansk vilâyetlerinde topraqlarnı kontrol altına qaytarmaq içün ücüm areketleriniñ yañıdan başlaması mümkün», – dedi o.
Yanvarniñ başında Ukrayına Milliy telükesizlik ve mudafaa şurasınıñ kâtibi Oleksiy Danılov Rusiye bu yıl fevral ayında kergileştirüv azırlağanınıñ alâmetleri bar, dep bildirdi.
Bıltır dekabr ayında Ukrayına Silâlı quvetleriniñ baş komandanı Valeriy Zalujnıy The Economist neşirine bergen intervyüsında Rusiye ordusı Kyivni kene ücüm etmege tırışa bile, dep ayttı.
Amerikanıñ cenkni tedqiq etüv institutı (ISW) Rusiye Ukrayınağa qarşı yaqın aylarda yañı keniş ücüm azırlay bile, dep bildirdi. Amma ISW Rusiye ordusı bu ücümni muvafaqiyetli keçirir dep tüşünmeñiz, dep qayd etti.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
