Rusiyeniñ Ukrayınağa qarşı raketa darbeleri arasındaki vaqıt arta, darbedeki raketalarnıñ sayısı ise eksile. Bunıñ sebebi Rusiye yedekleriniñ eksilmesi ola, dep bildirdi Ukrayına Mudafaa nazirliginiñ Baş istihbarat idaresiniñ reberi Kırılo Budanov Amerikanıñ Sesine.
«Endi 20-den çoq raketa ücümlerini kördik. Bu bir statistika endi. Er seferinde raketa ücümleri arasında vaqıt arta, raketalarnıñ sayısı ise eksile. Tek bu bar», – dep qayd etti o.
Budanov bunıñ sebebi nedir sualine şunı qayd etti: «Raketalarnıñ sayısı eksile. Başqa yoq. Şimdi bile aman-aman sıfır oldı».
Britaniya istihbaratı Rusiye Federatsiyasınıñ ordusı İran uçucısızlarınıñ yedeklerini qullanıp, olarnı qapatmağa tırışa, dep bildirgen edi. «Silânıñ belgilengen nişanlarda yahşı neticeleri olmasa da, Rusiye onı Ukrayına ava mudafaa sistemasınıñ diqqatını daa semereli Rusiye qanatlı raketalarından celp etecek faydalı bir tuzaq olaraq köre», – dep qayd etildi.
Ğarbiy kütleviy haber vastaları çeşit istihbaratlarnıñ malümatına esaslanıp, Qıtay ükümeti Rusiyege Ukrayınadaki cenki içün uçucısız ve silâ berüv imkânlarını baqa, dep yazğan edi. Bir qaç aydan berli bu muzakereler devam ete, dep bildire neşir. Pekin daa qarar almadı, amma Qıtay tarafı buña müsbet baqqanına oşay.
Der Spiegel alman neşiri Pekin Moskva ile öldürici silâ berilüvini muzakere ete, dep yazğan edi – hususan 35-ten 50 kilogrammğa qadar silâ taşığan yüz dane ZT-180 kamikadze-dronınıñ berilüvi tüşünile.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
