Ukrayına Silâlı quvetleriniñ spikeri Yuriy İgnat dronlarnıñ gece Aqyarğa ücüm etkenini izaatladı. Onıñ aytqanına köre, böyle nişanlarnı tüşürmek zor.
«İşğalciler olarnı nasıl yoq ete kördik», – dep ayttı o, Ukrayına milliy telemarafonınıñ yayınında.
İgnat suv üstü dronlar qolay bir şey degil, dep qoştı.
«Suv üstünde areket etken adiy uçucısızlar – qolay bir nişan degil, tüşürilmesi küçtir. Şunıñ içün uçucısızlar qullanılğan uruş vastaları arttırılacaq», – dedi o.
Aynı vaqıtta, Rusiye de arttıra, dep qayd etti İgnat.
Aprelniñ 24-ne keçer gecesi Qırım.Aqiqat mühbirleri Aqyardaki patlavlar aqqında haber etti. Olarnıñ aytqanına köre, patlavlar Nahimov oquv yurtu ve Streletskaya körfezi yaqınlarındaki arbiy bölükler rayonında eşitildi. Zenit topu ve atıcı silâ ateşleri de eşitildi.
Malümatnı şeerniñ Rusiye yolbaşçısı Mihail Razvojayev tasdıqladı. Onıñ aytqanına köre, gece Aqyarğa suv üstü dronlar ücüm etti – bir uçucısız yoq etildi, ekincisi özü patladı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
